Туркистон вилоят ҳокимлигида йилнинг самарали ютуқлари «ALTYN KÙZ – 2020» байрами ўтди. Тантанали тадбирга қишлоқ хўжалиги ходимлари билан деҳқон хўжалик раислари ҳамда туман, шаҳар ҳокимлари иштирок этди. Тадбирда вилоят ҳокими Ўмирзақ Шўкеев барча аграр соҳа ходимларини йилнинг якуний тантанаси билан табриклаб, соҳада юксак натижага эришган туман, шаҳар ҳокимларига ҳамда меҳнат илғорларига махсус мукофотлар топширди.
– «Қишлоқ хўжалигини ривожлантириш – стратегик муҳим йўналиш ҳисобланади. Пандемияга боғлиқ тўсиқлар бўлсада бу йил эришилган ютуқларимиз кўрсаткичи яхши. Келажакда янги технологияларни қўлланиб қишлоқ хўжалиги соҳасини тараққий этиришимиз керак. Шу ўринда ҳудуддаги балиқ хўжалигининг ҳиссаси Республика фоизни ташкил этадиганлигини алоҳида таъкидламоқчиман»,-деди минтақа раҳбари Ўмирзақ Естайули.
Тантанали тадбирда қишлоқ хўжалиги пешқадам ходимлари билан илғор натижага эришган туман, шаҳар ҳокимлари махсус мукофотлар соҳиби бўлишди. Шунингдек, Туркистон вилояти ҳокимининг «Алғис хати» билан Мақтаарал, Жетисай туманларида фавқулодда вазиятни аслига келтиришга қўшган ҳиссаси учун Мақтаарал туман «Ветеринария хизмат» корхонаси раҳбари Умархан Нурашев мукофотланди. Офат пайтида 931 бош қишлоқ хўжалиги жониворларининг ўлаксалари чиқарилиб йўқ қилинди, 445,3 ҳудуд зарарсизлантирилиб, ветеринария хавфсизлик сақланди.
Қишлоқ хўжалигининг барча кўрсаткичларини бажаришда Қазиғурт тумани пешқадам бўлди. Туманда умумий маҳсулот кўлами 39,5 млрд тенгени ташкил этиб, 4,7 млрд тенгега кўпайган. Деҳқончилик кўлами 4,1 минг гектарга кўпайиб, 8,37 гектарга иссиқхоналар қурилган. 500 гектарга ёмғирлатиб суғориш технологияси жорий этилди. Иккинчи ўринда Ўтирор тумани лойиқ деб топилди. Бу ерда умумий маҳсулот ҳажми 22,9 млрд тенгени ташкил этиб, 4,5 млрд тенгега кўпайган. Асосий капиталга 1,5 млрд тенге инвестиция жалб этилиб, 3360 бош зотдор йирик қорамол ҳориждан келтирилган.
Вилоят бўйича олдинги қатордан кўринган Сайрам туманида маҳсулот ҳажми 73,7 млрд тенгени ташкил этиб, 6,9 млрд тенгега кўпайган. Асосий капиталга 2,6 млрд тенге инвестиция жалб қилинди. Озиқ-овқат саноатига 630 млн тенге инвестиция жалб этилган.