Вилоят марказида навбатдаги китоб жавони – «BOLASHAQ BOOKS»нинг очилиш маросими ўтди. Унда «Bolashaq Ontustik» корпоратив жамғармаси раиси, Туркистон шаҳри ҳокими Рашид Аюпов иштирок этди.
Х.А. Яссавий номли Халқаро қозоқ-турк университетида ташкил этилган 14-китоб жавонидан талабалар ўз китобини ташлаб кетиш шарти билан истаган китобини олишлари мумкин. Р. Аюпов университет ректори Бўлатбек Асилбеков билан янги китоб жавонидаги китоблар билан танишишди. – Маънавий олам фақат китоб билан бойийди, – деди Р. Аюпов. – Айниқса, ёшларнинг ҳаётида китобнинг алоҳида ўрни бор. Чунки яхши китоб инсонда Ватанга муҳаббат, миллий ва умуминсоний қадриятларга ҳурмат туйғуларини юксалтириб, яхшилик ҳамда эзгуликка ундайди. Келажак – заковатли ёшларнинг қўлида. Зеро, баркамол, жисмонан соғлом, заковати юксак ўғил-қизлар мамлакатимиз тараққиётининг мустаҳкам пойдеворидир.
КЕЛАЖАККА – КИТОБ БИЛАН
545 көрілім