Қай уақытта да Түркістан қаласы бірліктің туын жоғары көтеріп келген. Түркістан деп айтып отырғаным, бұрынғы Кеңес Одағы тұсында Түркістан қаласының орталығы Фрунзе ауданы болған. Бұл жерден не бір ғұламалар, ұлы тұлғалар шыққан. Мәдениет, білім басқа да салада алдыңғы катардан көрінген.
Шорнақ ауылдық округінің «Қос мезгіл» елді мекенінде болған оқиға кейбір ойы төмен жасөспірімдердің әрекеті деген ойлаймын. Келеңсіз оқиға қай-қайсысымыздың болсын жанымызға ауыр бататыны анық. Көпұлтты мемлекетіміздің басты ұстанымы – бірлік, татулық, ынтымық. Сондықтан, бұл мәселе ешқандай елді дүрліктірмей бейбіт жолмен шешілуі тиіс деп ойлаймын. Бүгінгі мынадай қиын кезеңде, сабырлы, байсалды болайық ағайындар. Барлығы өз орнына түседі, тек келер күнден үміт күтейік ағайындар!
Райымжан ӘЛІБАЕВ