Давлат раҳбари ўтказган мажлисга Миллий хавфсизлик қўмитаси марказий девони ҳамда минтақавий бўлимларининг ижрочи таркиби иштирок этди.
Мажлис бошида Қасим-Жўмарт Тўқаев хизмат вазифаларини бажариш вақтида вафот этган МХҚ органлари ходимларини ёдга олишга бағишланган ёдгорликка гулчамбарлар қўйди. Шунингдек, МХҚ марказий девонининг 2017 йили қайта таъмирлашдан ўтган музейидаги Мустақиллик олган вақтдан буёнги Қўмитанинг ривожланиш тарихини қамрайдиган экспозицияни кўздан кечирди.
Йиғилиш давомида Қозоғистон Президенти МХҚ Раиси Карим Масимовнинг маърузасини, Қўмитанинг тузилмавий ва минтақавий органлари раҳбарларининг ҳисоботини тинглади.
Йиғилиш охирида Давлат раҳбари Миллий хавфсизлик тизимини янада такомиллаштириш мақсадида аниқ топшириқлар берди.