Туркология илмий тадқиқот олийгоҳининг ташкилотчилигида “Даврий нашрда терминларнинг бугунги қўлланиши” мавзуида онлайн семинар ўтди. Бугунги янги замон, янги аср фан олдида янги вазифалар қўйган паллада тил ҳам янги замонга лойиқ тараққиётни тақозо этади. Шу масалага боғлиқ семинарда олим, ф.ф.н Н.Мансуров маъруза қилиб бугунги нашр саҳифаларида терминларнинг қўлланишидаги хусусиятларига тўхталди. Миллат жонкуяри А.Байтурсинов “Газета жамоатчиликка хизмат қиладиган неъмат, юртнинг билимли, кўргани кўп доҳийлари, ўқигани кўп одамлари газета орқали халқ олдига тушиб йўл кўрсатиб раҳбарлик қилади” деган ўйлари бугунга қадар аҳамиятини йўқотмаган. Шу-нингдек, Н.Мансуров матбуотда қўлланилган сўзлар билан сўз бирикмаларининг бугунги жамоатчилик намуна қилишга интиладиганлиги, шу боис матбуот тили – тил софлигини сақлаш учун муҳим қуролнинг бири бўлиши лозимлигини таъкидлади.
XXI аср бошидаги жаҳон илмий ютуқлари орқали тил ҳам янгича шаклланиши ўрин оладиганлиги маълум. Шу ўринда, жаҳонланиш жараёнининг янги ютуқлари сифатида техника терминларининг қўлланилиши айтилди. ОАВ бетида терминларнинг тез ва кўп кўринишини муаллиф муҳим масала сифатида кўтарди. Элимиз мустақиллик олганидан буён диний мазмундаги терминларнинг ҳам кенг қўлланилиши мавзуни кенгайтирди. Яхшиликка фақат қуруқ сўз орқали даъват этиб мақсадга эришиш мумкин эмас, инсоннинг табиати ўша дуч келган нарсада ибратни тақозо этадиганлиги каби маърузачи ҳар соҳадаги нашрлар бўйича аниқ мисоллар келтирди.
Теран масалаларни таҳлил қилган бу семинар иштирокчиларининг фикрини тинглаб, биргаликда фикр алмашиши билан давом этди. Ахборот маркази раҳбари Т.Бейсенов бугунги матбуот саҳифасидаги терминларнинг сифати ҳақида фикрини айтса, таржима маркази директори Р.Ашимов терминлар луғатини тайёрлашда кетадиган камчиликларни айтди. Туркология илмий тадқиқот олийгоҳи директори Б.Шишман баъзи терминларнинг нашриётда тўғри қўлланилмайдиганлиги сўзлар маъноси ўзгариб, мутлақо бошқа мазмун касб этишини айтди. Ҳар бир соҳанинг ўз термини бўладиганлигини ва уни жорий этишда тўғри иш юритилиши ҳақида онлайн тизимида бошқа олимлар ҳам ўз фикрларини билдирди.
Семинар поёнида университет илмий тадқиқот ишлари бўйича вице-президенти, профессор К.Беркинбаев онлайн семинарнинг муҳимлигини таъкидлаб, унга фаол қатнашган олимларга миннатдорчилигини билдирди.