Яқиндагина 1985 йили туғилган №5 Ғ.Муратбаев номидаги умумий ўрта мактабини битирганлар туркистонлик кам таъминланган оилаларга ҳиммат кўрсатган эди. “Шавгар” кичик туманида бошланган савобли ишни муборак ойда Сарсенбаевлар авлоди давом эттирди.
“Рамазон ойида савобли ишлар бажаришга ҳаракат қиламиз. Ҳақиқатдан, бу бизнинг авлодимизнинг дастурга айланган ғамхўрлик тадбири. Бугун муборак ой шарафига 50-га яқин оилага турмуш учун керакли озиқ-овқат ва рўзғор буюмлари тарқатилмоқда. Бу элимизда жорий этилган карантин пайтида қозоғистонликларга тадбиркорларимизни қўллашга чақирган Президентимиз Қ.Тўқаевнинг топшириғини амалга ошириш деб биламан”,-деди шаҳар маслаҳат котиби Ғаппар Сарсенбаев.
Умуман турмуш шароити ночор оилаларга картошка, пиёз, ун ва гуруч каби 8 турли озиқ-овқат маҳсулотлари берилди. Ижтимоий ёрдам кўрсатган фидойиларга оила соҳиблари миннатдорчилигини билдиришди.
Ғамхўрликнинг шарофатини кўрганларнинг бири Советхан Тўлегенов:
“Тунларнинг султони бўлган – Қадр кечаси муборак бўлсин. Ниятларинг қабул, муродларинг ҳосил бўлгай. Аллоҳ рози бўлсин! Умр йўлдошим иккаламиз нафақадамиз. Ўғлим яқинда доимий ишга жойлашди. Келажакда бундай ёрдамга муҳтож бўлмайдиганлигимиз аниқ. Аммо, эл фуқароларининг фидойилик кўрсатаётганлиги биз учун қувончли ҳолат”,-деган ниятда раҳматини айтди.
Нуртас КЕНЕСБЕКОВ.