Буюк Ғалабанинг 75 йиллиги байрами арафасида «Бітімгер» жамоат бирлашмаси ташкилотчилигида шаҳримиздаги бир гуруҳ фахрийлар фронт орти ва меҳнат фахрийлари «Буюк Ғалабага – 75 йил» байрам медаллари билан мукофотланди.
«Түркістан» газетаси таҳририятида ўтган тадбирда мазкур бирлашма раиси Бахтжан Бейсембаев билан Туркистон шаҳар Миллий Улан фахрийлар ташкилоти раисининг ўринбосари Батирхан Сансизбаев шаҳар фахрийлар ташкилотининг раиси Жарқинбек Қулбайимбетовга, ўринбосари Пернетай Дўсибековга махсус топширди. Шунингдек, бундай мукофот Ўтепберген Қуанишбаев, Асилтай Ўримбетов, Кенесбек Букебаев, Абдихан Абдиқадиров, Серикбай Буханов, Кенес Марсали, Сатибалди Қарпиқбаев, Шўра Исмўлдаев, Жақсибек Бейсенов, Шаймерден Айтпенбетов, Абдикамал Ашимбеков, Тўлеген Сансизбаев, Мирзан Хандиллаев, Асилтай Дўсибеков, Сауранбай Байжанов каби фахрийларга ҳам топширилди.
Фахрийлар ташкилотига қўллов кўрсатаётган «Түркістан» газетасининг директор-муҳаррири Малик Даулетов билан бўлим мудири Қуаниш Тасибаев ҳам “Буюк Ғалабага – 75 йил” байрам медалига эга бўлди. Умуман, Буюк Ғалаба байрами арафасида мана шундай ҳурмат-эҳтиромга 120 га яқин фуқаро сазовор бўлди.
Арайлим МЕЙРАМХАН қизи.