Түркістан облысы эпидемиологиялық бағалау матрицасы бойынша «жасыл» аймақта. Соңғы тәулікте коронавирусқа шалдығудың 14 жағдайы тіркелді. Мәліметтерге сәйкес, коронавирус инфекциясын жұқтыру соңғы екі аптада – 946 жағдайға төмендеген, – деп хабарлайды Түркістан облысының санитариялық-эпидемиологиялық бақылау департаментінің баспасөз қызметі.
Халықты коронавирусқа қарсы вакцинациялау науқаны басталғаннан бүгінгі күнге дейін COVID-19 инфекциясына қарсы екпе алуға жататын өңір тұрғындарының 1046809-ы, яғни 100,1% І-компонент ін салдырды, ал ІІ-компонентті алғандар саны 1042201, 99,6% құрады. 2 компонентті де салдырған азаматтарға арада 6 ай өткенде ревакцинациялану ұсынылған.
Аймақта 212 816 адам ревакцинациялаудан өтті. Олардың ішінде 29 760 –ы «Спутник V», 104-206-ы «QazVac», 51 – «КоронаВак», 76056 «Sinopharm», 15 808 – «Pfizer», 23 911 – «Спутник» лайт салдырды. Ал, 12-17 жас аралығындағы жасөспірімдер мен жүкті және емізулі аналар, жасы 60 тан асқан азаматтар жалпы 163 304 азамат «Pfizer» вакцинасының І-компонентін алды. ІІ- компонентті де салдырғандар – 88 255.
Түркістан облысының санитариялық эпидемиологиялық бақылау департаменті эпидемиологиялық ахуалды бұдан әрі тұрақтандыру үшін азаматтарды маскалық режим, антисептикпен залалсыздандыру, әлеуметтік арақашықтықты сақтаумен қатар, вакцина салдыруға, «Covid-19» қарсы иммунитетті нығайту үшін ревакцинациалаудан өтуге шақырады.