ОБЛЫСТЫҚ МЕКТЕП ЛИГАСЫНДА ШАРДАРАЛЫҚТАР ЖЕҢІМПАЗ

1  800 көрілім

Асық ату және бес асық ойындары соңғы уақыттарда жақсы дамып, ойынға деген қызығушылықтың оянып жатқаны баршамызға мәлім. Осыған орай Төле би ауданында 5-6 және 7-8 сынып оқушылары, Сарыағаш ауданында 9-11 сынып оқушылары арасында асық ату және бес асық ойындарынан облыстық «Ұлттық мектеп лига» ойындары өтті. Аталған сайысқа облысымыздың мектептерінен 100-ден аса оқушылар қатысып өзара бақ сынасты.

Облыстық жарыс барысында жүзден жүйрік болып оза шапқан «Шардара» командасы 1-орынды қанжығаларына байлады. Ұлттық ойынымызды дәріптей білген командаға алдағы сайыстар да да тек жеңістер тілейміз.

Арайлым МЕЙРАМХАНҚЫЗЫ.