ТҮРКІСТАН: АРДАГЕР ЖАЗУШЫ-АҚЫНҒА АРНАЛҒАН ӘДЕБИ КЕШ

8  547 көрілім

Түркістан қаласындағы облыстық “Фараб” ғылыми- әмбебап кітапханасының жанындағы “Зейнеткерлер клубында” осы мекеменің бұқаралық іс-шараларды ұйымдастыру бөлімінің жетекшісі Пернегүл Нәлтаеваның модераторлық етуімен “Өнегелі өмір жолы” айдарымен Түркістан қалалық ардагерлер кеңесінің мүшесі, жазушы-ақын Сағынтай Жүзеновтың өмір жолына арналған әдеби-танымдық кеш өткізілді.

Кеш иесінің жақын ағайын-туыстары,жолдастары мен шақырылған қонақтары, жастар мен мектеп оқушылары,кітапхана қызметкерлері қатысқан жиында кітапхананың бөлім меңгерушісі Дана Байдәулетова кешті ашу рәсімін жасап, құттықтау сөз сөйледі.  

Сондай-ақ, Сағынтай Жүзенов өзінің өмір жолының қызықты сәттері жайлы мәліметтер мен кешке қатысушыларды таныстырып, тұсаукесері болайын деп отырған “Жастарға ақыл кеңестер” және “Өнегелі өмір жолы” кітаптарының жазылуы мен баспадан шығу тарихтарын тілге тиек етті.Сонымен қатар Сағынтай көкеміз өзінің қолымен жазған,бірақ әлі баспаға берілмеген “Пайғамбарлар хикаясы”және “Мың бір түн’ кітаптарының мазмұндарымен көпшілікті хабардар етті.

Жиын барысында Сағынтай Жүзенов көкеміздің қарындасы Манат, інісі Төлеген, қайынбикесі-ұлағатты ұстаз Ұлжан Сыздықова, ұлы Жандос,қыздары Күләш пен Тұнжыр және басқалар кеш иесі жайлы өздерінің естеліктерін айтып,ол кісіге арнаған барлық жақсы лебіздерін білдірген соң, Тұнжыр өзінің керемет дауысымен “Байтерек’ әнін әкесінің құрметіне тамылжыта орындап берді.

Осыдан кейін ҚР құрметті құрылысшысы,еңбек ардагері,жеке кәсіпкер Мұрат Үмбеталиев пен Түркістан облыстық Қоғамдық кеңес мүшесі,Түркістан облыстық медиация кеңесінің төрағасы Бақытжан Бейсембаев Сағынтай Жүзеновтің “Жастарға ақыл кеңестер” мен “Өнегелі өмір жолы” атты кітаптарының тұсаукесерін өткізген соң, кеш иесі аталған кітаптардың бірнеше данасын “Фараб” ғылыми- әмбебап кітапханасының қорына Дана Байдәулетова сыйға тартты.

Айта кетуіміз керек, осы әдеби-танымдық кеш барысында Түркістан қаласының жасөспірімдер мен балалар мектебінің оқушылары Сағынтай көкеміздің өлеңдерін мәнерлеп оқу арқылы көрерменге жеткізіп отырса,қалалық мәдениет үйінің әнші жігіттері жақсы әндерді орындап, жиынға қатысушыларға керемет әсер сыйлады.

Кеш соңында Дана Байдәулетова осы мәдени іс-шараны өткізуде белсенділік танытып,жақсы өнерлерін көрсеткен жасөспірімдер мен балалар мектебі оқушыларының әрқайсысына “Фараб” ғылыми-әмбебап кітапханасының атынан алғыс хаттар мен Сағынбай Жүзенов көкеміздің атынан оқушыларға қажетті заттарды табыс етті.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Вы не можете скопировать содержимое этой страницы