Түркістан облысы Қазығұрт ауданындағы қазыналы қара шаңырақ – Қ.Сатпаев атындағы мектеп-лицейінде «Ерлікке тағзым» атты айлық аясында мектеп-лицейдің әскери жетекшісі Мустафаев Асқардың демеушілігімен оқушылар арасында пневматикалық мылтық атудан облыстық турнир болып өтті.
Жасөспірімдерді отансүйгіштік рухта тәрбиелеу, патриотизмге баулу, ауданымыздың мықты спортшыларын анықтау, «Ерлікке тағзым» жобасы аясында әскери- спорттық тәрбиені күшейтуді көздеген турнирге 7 команда шақырылды. Команда құрамы 6 оқушы, 1 жаттықтырушыдан тұрды. Қазығұрт аудандық білім бөлімінің бас маманы Есіркепов Ерғали бас төрешілік еткен жарыс ережесіне сай, мылтық және тапанша қолданылды. Әр оқушы дайындыққа 5 оқ, есепке 20 оқ атып, өз мергендіктерін сынады.
Нәтижесінде мылтық атудан қыздар арасында:
I орын – Қалмаханбет Жансезім (Қ. Сатпаев).
II орын – Тажимбекова Жанару (О. Жандосов).
III орын Абдисаттар Айша, Қамшыбек Каусар (Қ. Сатпаев).
Ал ұлдар арасында мылтық атудан:
I орын – Орынбасар Заңғар (Т. Рысқұлов),
II орын – Абдуазимов Нурислам (Қ. Сатпаев),
III орын – Амангелді Асхат (Кезеңбұлақ), Ержанов Нұрмахан (Қ. Сатпаев) иеленді.
Тапанша атудан ұлдар арасында:
I орын – Қайыржан Ернұр (Қ. Сатпаев),
II орын – Қамитбек Амирхан (Қ. Сатпаев)
III орын – Абдіқасым Нұрислам (О. Жандосов).
Қыздар арасында тапанша атудан:
I орын – Утениязова Мадина (Қ.Сатпаев),
II орын – Сапарбекова Амина (Қ.Сатпаев),
III орын – Ешмұрат Сабина (Қ.Сатпаев) иеленді.
Жеңімпаз оқушылар медаль, мадақтамалармен марапатталды. Ал есімдері аталған жеңімпаздарды дайындаған жаттықтырушылар Қазығұрт аудандық «Отан» ЖШС тарапынан арнайы мадақтамамен марапатталды.