Ұлы Жеңіс мерекесі мен қарулы күштер күніне орай кездесу кеші өтті.
Бұл мереке – Отанын қорғаған жауынгер солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің көрінісі. Ерлік ешқашан да ұмытылмайды. Айтулы мерекені полиция қызметкерлері жылдағы дәстүр бойынша ерекше атап өтті.
Осы орайда Төлеби аудандық полиция бөлімі қызметкерлері жастар ресурстық орталығы, мәдениет үйі қызметкерлерімен бірлесіп, музей ғимаратында «Ұлы Жеңіске ұрпақтан тағзым» атты кездесу кешін ұйымдастырды. Аталған кездесуге қорғаныс істері бөлімінің ұжымы мен ауған соғысы ардагерлері арнайы шақырылып, колледж студенттері қатысты. Шараның мақсаты – Қазақстан Республикасы Қарулы күштердің 30 жылдығы мен Ұлы Жеңістің 77 жылдығын дәріптеу.