ҲОЗИРДАН ҲАРАКАТ ҚИЛМАСАНГИЗ ҚИШДА ТАБИИЙ ГАЗ ШАРОФАТИНИ КЎРА ОЛМАЙСИЗ

569 көрілім

Шаҳар ҳудудида турғунларни табиий газ билан таъминлаш жадал давом этаётганлигини газетамизда ёритиб келмоқдамиз (№27,26 сонларида). Шаҳар раҳбари Рашид Аюповнинг ўзи бу мақсаддаги ишларни жадаллаштиришни юклаб, тегишли соҳа вакилларига қатъий топширма берган ва бу ишнинг натижаси ҳокимлик ва халқ эътиборида турибди. Ҳозирги жадаллаштириш ишлари чакки эмас. Ёдингизда бўлсин муштарийларимиз, ушбу ишларнинг натижасида уйингизга газ киради дегани эмас. Эшигингиз олдига табиий газ қувури тортилади. У ёғи уйга газ киритиш сизнинг ҳаракатингизга боғлиқ. Буни айтаётган сабабимиз, баъзи бир турғунлар газ қувури уйининг олдига ўрнатилганига бир неча вақт бўлса ҳам табиий газ келмаганлигини айтиб шикоятланади. Шунингдек, бундай тушунмовчиликларга йўл қўймасдан, аниқ ҳаракат қилиши зарур. Ушбу масала бўйича биз турғунларнинг фикрларини таҳлил қилиб, газ киритиш учун қандай йўл тутиш кераклигини турғунлар эътиборига ҳавола этамиз.

   Хусусий уй соҳиблари кўп ҳаражатлар билан вақт заруриятига қарамасдан автономли газ билан таъминланишини истайди. Бу замон талабига мувофиқ. Утегуль Исабекова Шавгар кичик туманида истиқомат қилади. Шаҳар турғунининг таъкидлашича кўчаларни қазиб, газ қувури тортилган. Ҳозирча ҳали битмаган ишларнинг маълумоти тўлиқ тушунтирилмаганлигини, кимдан нима сўраш кераклигини билмайдиганлигини ҳам айтиб шикоятланади. Қишда ва ёзда кўмир ташишдан чарчаган турғун қор ёққунга қадар табиий газ билан таъминланамиз, деб умидланмоқда. Аммо “ҚазТрансГазАймақ” ҲЖ вакилининг таъкидлашича газ қувури эшик олдига келган кундан бошлаб барча ҳужжатларни тайёрлаб, техника шартларига риоя қилиш ҳамда рухсат олиш зарур дейди. Агар мутахассисларнинг олдиндан тайёрлаган кўрсатмаларини бажармасангиз қўшилиш жараёни узоққа чўзилиб кетиши мумкин эканлигини ҳам айтади. Баъзи бир ҳужжатлар актлар ишнинг бошланишига қадар тайёрланса, қолгани – уларни бажариш борасида тартибга келадиганлигини ёдда тутган маъқул. Эндиликда унга қандай ҳужжатлар керак. Эътибор қаратсангиз.

   1. “ҚазТрансГазАймақ” ҲЖ техника директорига (ёки ишлаб чиқариш бўлимининг бош мухандисига) техника шартларини бериш тўғрисидаги илтимосномаси;

   Иншоот соҳибининг хусусий ҳужжатининг нусхаси;

   2. Давлат ер актининг нусхаси, мулк жойлашган ер участкасига ҳуқуқ ўрнатадиган ҳужжатлар ёки кўчмас мулк эгасининг мулкни газлаштиришга нотариал тасдиқланган гувоҳнома шартномаси;

   3. Газлаштирилган турғун уйга (қурилишга) техникавий ҳужжатнинг нусхаси;

4. Газ фойдаланадиган ускунанинг техникавий маълумотлари (нусхалари);

   5. Иншоотнинг жойлашиш схемаси (қўшимча оғзаки тушунтирмасдан чизиш ёки маршрут харитаси бўйича жадал ўрнатилиши учун батафсил тавсифланиши керак;

   6. 1:500 ўлчовдаги қурилиш майдонини топографияга тушириш (барча ер усти ва ости мухандислик тизимлари билан қурилишлари билан), тегишли фойдаланиш ташкилотлари билан келишилган бўлиши шарт;

   Шартнома қилган ташкилот газ қувурини ишга қўшиш учун масъулиятли бўлади. Қозон хоналарига ёки бошқа ускуналарга кафолат муддати, одатда бир йилдан уч йилга қадар. Таъкидлаш жоиз, тўлиқ маълумот олиш учун “ҚазТрансГазАймақ” ҲЖ-нинг www.kaztransgas.kz расмий сайти ишлайди. Ҳамда +7(7172)55-23-08, E-mail:info@ktg.kz алоқа тури орқали ўзингизга тегишли саволларни қўйиб жавоб олишингиз мумкин.

  Ақберен АМАНГЕЛДИ.