Көктем нұрын шашқалы,
Бұлақ көзін ашқалы.
Бүршiк жара бастады
Оңтүстікте тipшілік.
Құстар билеп аспанды.
Нұрға бөлеп жас жанды.
Сырнайлатып басталды
Оңтүстікте Наурыз той!
Суға толы сай-алап,
Құлпырады сая-бақ.
Табиғат тұр дүниені
Алақанда аялап.
Ауыздықпен алысқан,
Сәйгүліктер жарысқан.
Көк қуалап қозы-лақ,
Kөлден үйрек, қаз ұшқан.
Ақбоз үйлер алдында
Алтыбақан жарасқан.
Айлы түнде салған ән
Алты қырдан әрi асқан.
Ел басқарған мырзалар
Көкпар салым салдырған.
Ат шаптырып алыстан
Ақын-жырау алдырған.
Ортақ жасқа, кәріге,
Көкке жайған дастарқан.
Жeтiп жатыр бәрiне
Наурыз көже – ас дарқан.
Бұрын, бәлкiм, суыссаң.
Ұмыт болсын, құрысын.
Ағайын, дос, туысқан
Ынтымақта – ырысың!
Жүректегi жыр-лағыл,
Сүйгенiме ұсынам.
Төрде отырған қыздардың,
Өлең айтсақ тұсынан.
Жастар даусы шырқаған.
Дiрiлдетiп аспанды
Күлiм қағып Күн-Қаған
Наурыз-мейрам басталды!
* * *
Құтты болсын Наурыздарың, бауырлар!
Көне шаһар, арып-ашқан ауылдар!
Сiз бен бізді жарылқайтын тек қана,
Көктемдегі нөсерлеткен жауындар.
Жүзi күлген мырзалар мен ханымдар.
Жетсе дәулет, болса намыс, қаның бар.
Ол дүниенi көрiп келген ешкiм жоқ.
Бұл дүниенiң қызығына қаныңдар!
Қутты болсын Наурыздарың, туыстар!
Нар жiгiттер жорықтарда ту ұстар.
Құрсаулаған торын бұзып нарықтың.
Күн де туар біз де доллар уыстар?!
Туар ол күн сәл кешiгiп, кідіріп.
Қиындықпен күрессек бiз бiр жүрiп.
Тұздап, жайып қоярмыз-ау шарбаққа,
«Жыртқыштардың» бас терісін сыпырып!
Одақтасса орда бұзар кедейлер,
Tiзe қосып қимылдаса сендейлер.
Opтa, кiшi кедейлердi, Үкімет,
Орта, кiшi бизнесiңмен демей гөр!
Тойда – Құран, Құдайыда әнін сап,
Қазекем-ай, қалта таяз, жаны – шат.
Бүгiн-ертең зауыттардан қайран жоқ.
Егінiңдi ек, терiңдi төк, малың бақ!
Шырылдаймыз, шымырлаймыз кiм үшiн?
Ертең үшiн, ертеңгі ұрпақ күнi үшiн.
Я, Жасаған! Байлық, дәулет бiр келер.
Ең алдымен елiмнің бер тынышын.
Нұрмахан НАЗАРОВ, Ақын, ҚР мәдениет қайраткері, түркістантанушы, Қазақстан жазушылар одағының мүшесі, Түркістан қаласының Құрметті азаматы.