Қазақстан Республикасы
Ұлттық экономика министрінің
2015 жылғы 27 наурыздағы
№ 266 бұйрығына 12-қосымша
Жылу энергиясын беру және/немесе тарату жөнiндегі қызметтердi көрсетуге арналған үлгі шарт
Түркістан қаласы 2023 жылғы
(шарттың жасалған орны)
Түркістан қаласы әкімдігінің «Инфрақұрылым және коммуникациялау бөлімі» «Жылу» мемлекеттік коммуналдық кәсіпорны, 29.07.2020 жылғы №301-1959-НАО-МК мемлекеттік тіркелуіне сәйкес 2023-2024 жылғы жылу маусымына арналған тұтынушыға жылу энергиясын беруді және/немесе таратуды жүзеге асыратын. Бұдан әрі «Өнім беруші» деп аталатын, Жарғы негізінде әрекет ететін, директордың атынан Е.Рысбеков атынан бір тараптан және бұдан әрі тұрмыстық тұтыну үшін пайдаланатын «Тапсырыс беруші» деп аталатын, ___________________________ өз келісім негізінде әрекет ететін, атынан екiнші тараптан, мына төмендегiлер туралы осы Шартты (бұдан әрi – Шарт) жасасты.
1. Шартта пайдаланылатын негізгі ұғымдар
1. Шартта мынадай негiзгi ұғымдар пайдаланылады:
есепке алу аспабы (есеп айырысатын есепке алу аспабы) – жылу энергиясын коммерциялық есепке алуға арналған, заңнамада белгіленген тәртiппен қолдануға рұқсат етілген техникалық құрылғы;
есеп айырысу кезеңi – шартта белгіленетін уақыт кезеңi (күнтiзбелiк ай), онда тұтынылған жылу энергиясы есепке алынады және Тұтынушыға ақы төленуге беріледі;
жылу энергиясы үшін есеп айырысу – Өнім беруші ұсынған төлем құжатының негізінде есеп айырысу кезеңі аяқталған соң жылу энергиясы үшін Тұтынушының төлемақысы;
жылумен жабдықтау жүйесі – жылыту көздерінің, жылу желілерінің және жылу тұтынатын қондырғылардың жиынтығы;
жылу желiсi – тұтынушыларға жылу энергиясын беруге және/немесе таратуға арналған құрылғылардың жиынтығы;
жылу энергиясының нақты көлемi – қнім беруші Тұтынушыға берген, есепке алу аспаптары көрсеткіштерінің негізінде немесе олар болмаған жағдайда «Есептеу аспаптары жоқ тұтынушылар үшін жылумен жабдықтау және электрмен жабдықтау бойынша коммуналдық қызметтерді тұтыну нормаларын бекіту қағидаларын бекіту туралы» Қазақстан Республикасы Үкіметінің 2012 жылғы 4 желтоқсандағы № 1547 қаулысында белгіленген тәртіппен бекітілген есепке алу аспаптары жоқ тұтынушылар үшін жылумен жабдықтау бойынша тұтыну нормаларына сәйкес айқындалған жылу энергиясының көлемi;
жылу тұтынатын қондырғы – жылу энергиясын Тұтынушының мұқтаждары үшін жылу энергиясын, жылу жеткізгішті пайдалануға арналған құрылғы;
теңгерiмдiк тиесілік шекарасы – Өнім беруші мен Тұтынушы арасындағы жылу желiсiн олардың теңгерiмдiк тиесілілігіне сәйкес бөлу нүктесi (сызығы);
тараптардың пайдалану жауапкершiлігін бөлу шекарасы – жылу тұтынатын қондырғылардың және/немесе желiнiң теңгерiмдiк тиесiлiлiгі немесе тараптардың келiсiмдерi бойынша айқындалатын тараптардың жылу тұтынатын қондырғыларын және/немесе желiсiн бөлу нүктесi;
төлем құжаты – Өнім берушінің коммерциялық есепке алу аспаптары көрсеткіштерінің негізінде, ал олар болмаған немесе уақытша бұзылған жағдайда тұтынылған жылу энергиясы үшін Тұтынушы ақы төлейтін есептеу жолымен жазып берген құжаты (шот, хабарлама, түбiртек, ескерту шоты);
уәкілетті органның ведомствосы – Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитеті;
электр энергетикасы саласындағы мемлекеттік орган – электр энергетикасы саласындағы басшылықты жүзеге асыратын мемлекеттік орган;
өнім беруші – Тұтынушыға жылу энергиясын беруді және/немесе таратуды жүзеге асыратын ұйым.
2. Шарттың нысанасы
2. Шарттың алдындағы міндетті талаптар:_____________________
__________________________________________________________________
(осы тармақта міндетті талаптар, оның ішінде техникалық шарттың,
__________________________________________________________________
жылумен жабдықтау жүйелерінің техникалық дайындығы актiсiнiң, жылу
__________________________________________________________________
желілерiн ажырату актісінiң болуы және т.б. көзделеді)
3. Өнім беруші жылу желiлерiн ажырату актiсiмен айқындалатын теңгерiмдiк тиесілілігі мен пайдалану жауапкершілігін бөлу шекарасына дейiн Өнім берушінің жылу желiлерi арқылы Тұтынушыға жылу энергиясын берудi және/немесе таратуды жүзеге асыруға мiндеттенедi.
Бұл ретте, Өнім берушіге жеткiзілетін жылу энергиясының параметрлері(сапасы) тараптардың теңгерiмдiк тиесiлiлігінің шекарасында орнатылған бақылау-өлшеу аспаптарының көрсеткiштерi бойынша айқындалады және электр энергетикасы саласындағы ұлттық стандарттарда немесе өзге де нормативтiк-техникалық құжаттамада белгiленген талаптарға, сондай-ақ Өнім беруші жасаған және жергiлiктi атқарушы органдармен келiсiлген температуралық кестеге сәйкес келуге тиiс.
4. Егер тараптардың келiсiмiмен өзгеше келiсiлмесе, жылу энергиясын беру және/немесе тарату үздiксiз жүргiзіледi.
3. Көрсетілетін қызметтердi ұсынуды шектеу тәртiбi
5. Өнім беруші:
1) Шартта белгiленген мерзiмдерде жылу энергиясын беру және/немесе тарату жөнiндегі ұсынылған қызметтер үшiн ақы төленбеген жағдайда жылу энергиясын беруді шектейді, бұл ретте, ескерту жазбаша түрде кем дегенде күнтізбелік он бес күн бұрын ұсынылады;
2) жылу тұтынатын қондырғыларын Өнім берушінің жылу желiсiне өздігінен қосқан;
3) жылу тұтынатын жүйелерiн есепке алу аспаптарының орнатылған орнына дейiн қосқан;
4) Өнім берушінің өкiлдерiн жылу тұтынатын жүйелерге және есепке алу аспаптарына жiбермеген;
5) жылу тұтынатын қондырғылар мен жылу желілерінiң күзгi-қысқы кезеңде жұмысқа техникалық дайындығы актісiнсiз және сараптама ұйымының қорытындысынсыз Өнім берушінің жылу желiсiне қосқан (ескерту жылу энергиясын берудi тоқтатқанға немесе шектегенге дейiн кем дегенде 3 тәулiк бұрын) жағдайларда жылу энергиясын беруді шектейді
6. Тұтынушы жылу тұтынатын қондырғыларды өздігінен қосқан, тұтынушы коммерциялық есепке алу аспаптарын зақымдаған, есепке лау торабында қойылған пломбаларды бұзған немесе олар болмаған кезде, Өнім беруші акт жасайды және Тұтынушы пайдаланған жылу энергиясының көлемiне қайта есеп айырысу жүргiзедi.
Акт Өнім беруші өкiлiнiң және Тұтынушының, не олардың өкiлiнiң қолы болған көзде жарамды. Акт Тұтынушы немесе оның өкілі қол қоюдан бас тартқан кезде де, бiрақ оны Өнім берушінің комиссиясы және/немесе құрамында кем дегенде үш адамы бар кондоминиумдi басқаратын орган ресiмдеген жағдайда, жарамды деп есептеледi.
4. Жылу энергиясын есепке алу
7. Өнім берушінің желiлерi арқылы берiлген және Тұтынушы қабылдаған жылу энергиясының мөлшерi есепке алу аспаптарының көрсеткіштері бойынша, ал олар болмаған немесе уақытша істен шыққан жағдайда Өнім беруші нормативтік техникалық құжаттар талаптарының негізінде орындаған есеп айырысу жолымен айқындалады.
8. Көрсетілетін қызметтерді босатуды есепке алу тараптардың теңгерімдік тиесілілігін бөлу шекарасында жүргізіледi. Есепке алу аспаптары тараптардың теңгерімдік тиесілілігін бөлу шекарасынан тыс орнатылған кезде, бөлу шекарасынан аспаптар орнатылған жерге дейiнгi учаскедегi ысыраптар желінің көрсетiлген учаскесi теңгерiмiнде тұрған иеленушіге жатқызылады және есеп айырысу жолымен айқындалады.
9. Тұтынушының жылумен жабдықтау жүйесiн есепке алу аспаптарын орнатпастан уақытша пайдалануға Өнім берушінің рұқсатымен жол беріледі. Мұндай жағдайда көрсетілетін қызметтердiң көлемi есеп айырысу жолымен айқындалады.
10. Жабдықтың және инженерлiк желілердің техникалық жай-күйiне, сондай-ақ жылу энергиясын есепке алу аспаптарының сақталуына жауапкершілік оның меншiк иесiне жүктеледі және теңгерiмдiк тиесіліліктiң шекарасы бойынша айқындалады.
11. Тараптардың есепке алу аспаптары тексерiлуi және оларға пломба салынуы тиiс. Тараптар көрсеткiштердi алу және есепке алу жүйелерінің техникалық жай-күйін тексеру үшін бір-бiрiне кез келген уақытта, бірақ сағат 21-00-ден кешіктірмей есепке алу аспаптарына қол жеткiзудi ұсынуға тиiс.
Коммерциялық есепке алу аспаптары бойынша бұзушылықтар анықталған жағдайда Тараптар белгіленген тәртіппен қол қойылған салыстыру актісінде тіркеуі тиіс.
12. Есепке алу аспаптарын белгiсiз адамдар ұрлаған немесе сындырған жағдайда, егер Шартта өзгеше көзделмесе, оның сақталуына жауапты адам отыз күн мерзiм iшiнде, есепке алу аспаптарын қалпына келтiруге мiндеттi. Есепке алу аспаптарын қалпына келтiру сәтiне дейiн Тұтынушы өзін жылу желiсiне қосуды талап етуге құқылы.
13. Өнім беруші Шартқа сәйкес Өнім берушіге жылу энергиясын берудi және/немесе таратуды қамтамасыз етуге және берілетін жылу тасығыш параметрлерінің шарттағы параметрлерден +/- 5%-тен аспайтын ауытқуға жол бермеуге міндетті.
14. Тараптар өз есебiнен өздерінің теңгеріміндегі коммерциялық есепке алу аспаптарына тиiстi метрологиялық стандарттарда көзделген мерзiмдерде метрологиялық тексерулер жүргiзедi.
Тараптар талап ететiн тараптың есебiнен жүргiзiлетiн қосымша тексерулер жүргізудi талап етуi мүмкiн.
5. Тараптардың құқықтары мен мiндеттерi
15. Тұтынушының:
1) осы Шартта белгiленген көлемде және мерзiмдерде белгiленген сападағы көрсетілетін қызметтердi алуға;
2) жасалған Шарттың талаптарына сәйкес жылу энергиясының үзілістері уақыты үшін және толық жеткізілмеген және оның стандарттық параметрлеріне сәйкес келмей жеткізілген көрсетілетін қызметтерге ақы төлеу бойынша қайта есеп айырысуды талап етуге;
3) Өнім берушіден тарифтердiң (бағалардың, алым мөлшерлемелерінің) өзгергенi туралы олар қолданысқа енгізілгенге дейiн күнтізбелік отыз күннен кешiктiрмей ақпарат алуға;
4) Шартты жасасуға және орындауға байланысты даулы мәселелердi шешу үшін сот органдарына жүгінуге;
5) Өнім берушінің iс жүзiнде ұсынған қызметтері үшін ақы төленген жағдайда, Өнім берушіні күнтiзбелiк отыз күннен кешiктiрмей жазбаша хабардар ете отырып, Шартты бiржақты тәртiппен бұзуға құқығы бар. Бұл ретте, жылыту жүйесi көппәтерлi үйдiң жалпы жылыту жүйесiнiң бөлiгі болып табылатын жеке үй-жайдың меншiк иесiнiң жылу энергиясын беруге және/немесе таратуға арналған Шарттан бipжақты бас тартуына жол берiлмейдi.
1) Шарттың талаптарына сәйкес Өнім беруші ұсынған жылу энергиясын беру және/немесе тарату жөнiндегi көрсетілетін қызметтерге уақтылы ақы төлеуге;
2) жылумен жабдықтау жүйелерінің тиiсiнше техникалық жай-күйiн лайықты дәрежеде ұстауға;
3) Өнім берушіні есепке алу аспаптарының iстен шыққаны немесе режимнiң және жұмыс талаптарының бұзылғаны туралы жедел жазбаша хабардар етуге міндетті, олай болмаған жағдайда, есепке алу аспаптары тиiстi құжаттармен расталған оларды соңғы рет тексерген күнінен бастап iстен шықты деп саналады;
4) желілердiң, аспаптар мен жабдықтардың техникалық жай-күйi мен қауiпсiздiгiне бақылауды жүзеге асыру үшiн Өнім беруші персоналының жылу энергиясын есепке алу аспаптарына және жылу тұтыну қондырғыларына кедергiсiз қол жеткiзуiн қамтамасыз етуге;
5) Шарт бұзылған жағдайда, есеп айырысуларға салыстыру жүргізуге және Өнім беруші iс жүзiнде ұсынған жылу энергиясын беру және/немесе тарату жөніндегі көрсетілетін қызметтерге арналған борышты өтеуге мiндетті.
17. Өнім берушінің осы Шарттың 5-тармағында көзделген жағдайларда Шарттың орындалуын бiржақты тәртiппен тоқтатуға құқығы бар.
1) жылу энергиясын беру және/немесе тарату жөніндегі көрсетілетін қызметтердiң барлық тұтынушылары үшiн тең жағдайлар ұсынуға;
2) жылу желілерінің теңгерiмдiк тиесілілік шекарасында осы Шартта берiлген жылу энергиясының параметрлерін ұстауға;
3) Тұтынушымен жылу энергиясын беру және/немесе тарату жөніндегі көрсетілетін қызметтердi ұсынуға шарт жасасуға;
4) Тұтынушыға тиiстi сападағы жылу энергиясын беру және/немесе тарату жөнiнде көрсетілетін қызметтердi Шарттың талаптарында айқындалған тәртіппен және мерзiмдерде ұсынуға;
5) Тұтынушы жеткiзетін жылу энергиясының сапасы мен мөлшерін есепке алуды және оған бақылау жүргiзуге, жылу энергиясы сапасының бұзушылықтарының алдын алу және жою жөнiнде уақтылы шаралар қабылдауға;
6) Тапсырыс беруші жылу энергиясы сапасының төмендегенi туралы өтінішті берген күнінен бастап күнтізбелік үш күннің iшiнде сапаны қалпына келтiру бойынша барлық шараларды қабылдауға және қайта есеп айырысуды жүргізуге;
7) уәкілетті органның ведомствосы бекiткен тарифтер бойынша жылу энергиясын беру және/немесе тарату жөніндегі көрсетілетiн қызметтер үшiн төлем алуға;
8) осы Шартта көзделген жағдайлардан басқа, жылу энергиясын беруде және/немесе таратуда үзiлiстерге жол бермеуге мiндеттi.
1) iшкi кварталдық желiлердi, инженерлiк жабдықты және құрылғыларды қайта жабдықтауға, Орындаушының келiсiмiнсiз реттегіш және бiтеме арматураны, сондай-ақ қауiпсiз пайдалану талаптарына және нормативтiк құжаттарда белгiленген басқа да талаптарға жауап бермейтiн жабдықты орнатуға, қосуға және пайдалануға;
2) қолдағы бар жылу энергиясын есепке алу схемасын бұзуға;
3) жылыту жүйелерiндегi жылу тасығышты өзінің мақсаты бойынша тікелей пайдаланбауға тыйым салынады.
20. Тараптарға тараптардың құқықтарын шектейтiн не Қазақстан Республикасының заңнамасын өзге түрде бұзатын iс-әрекеттер жасауға тыйым салынады.
6. Жалпы ережелер және дауларды шешу
21. Жылу энергиясын беру және/немесе тарату жөнiндегi қызметтерді көрсетуге арналған шартты тараптар жеке тәртiппен жасасады.
22. Шарттың қандай да бiр ережесi бойынша немесе тұтастай немесе қандай да бiр мәселелерге немесе Шарттың ережелерiне қатысты әрекетке байланысты туындаған қандай да бiр дау немесе келiспеушілiк жағдайында тараптардың кез келгенi екiншi тарапқа даудың мәнiн толық баяндай отырып, наразылық жолдауға құқылы.
Тараптар туындаған дауларды келiссөздер жолымен реттеу бойынша қажетті барлық күш-жiгерiн жұмсауы тиiс.
23. Келiсiмге қол жеткiзiлмеген жағдайда, Шарт бойынша барлық даулар мен келiспеушiлiктер сот тәртiбiмен шешiледi.
24. Тараптардың Шарттан туындайтын және онымен реттелмеген қатынастары Қазақстан Республикасының азаматтық заңнамасымен реттеледi.
25. Шарт Тараптарда сақталатын және бiрдей заң күшi бар мемлекеттік және орыс тілдерінде екі данада жасалады.
Шарт мемлекеттiк бюджеттен қаржыландырылатын мемлекеттік мекемелер үшiн Қазақстан Республикасы Қаржы министрлiгі Қазынашылық комитетiнiң аумақтық органдарында тiркеледi және тiркелген күнінен бастап қолданысқа енгiзiледi.
7. Есеп айырысу тәртiбi
26. Тұтынушы Өнім берушінің жылу энергиясын беру және/немесе тарату жөнiндегi көрсетілетін қызметтерiне ақы төлеудi уәкілетті органның ведомствосы бекiткен тарифтер бойынша жүргiзедi.
27. Тариф өзгерген жағдайда, Өнім беруші бұл туралы Тұтынушыны бұқаралық ақпарат құралдары арқылы ол қолданысқа енгізілгенге дейін күнтізбелік отыз күннен кешіктірмей хабардар етедi.
28. Тұтынушы Өнім берушінің iс жүзiнде ұсынған жылу энергиясын беру және/немесе тарату жөніндегі көрсетілетін қызметтеріне ақы төлеудi есепке алу аспаптарының көрсеткiштерiне сәйкес есеп айырысудан кейiнгi айдың жиырмасыншы күнінен кешіктiрмей жүргiзедi.
29. Өткен кезеңдер үшiн берешегi болған кезде, бiрiншi кезекте төлем осы берешектi өтеуге жiберіледі. Тұтынушы есеп айырысу кезеңi үшiн iс жүзіндегіден артық сома төлеген жағдайда, осы артық айырма келесi есеп айырысу кезеңiнiң аванстық төлемiне автоматты түрде (не тараптардың келiсiмi бойынша Өнім беруші алдындағы Тұтынушының өзге мiндеттемелерi бойынша берешегiн өтеу есебiне, егер осындай болса) есептеледi. Егер Тұтынушы өнім берушінің келесi есеп айырысу кезеңiндегi қызметтерiнен бас тартса, Тұтынушының Өнім беруші алдындағы (eгep осындай болса) өзге мiндеттемелерi бойынша берешегiн өтеуге жұмсалған сомаларды қоспағанда, артық төленген сома қайтарылады.
30. Егер бақылау-өлшеу аспаптары ақаулығының салдарынан және басқа да жағдайларда шоттарға түзету енгiзу қажет болған жағдайда Тараптар кейiнгі есеп айырысу кезеңдерiнде шоттарға түзету енгізедi.
31. Шот-фактурада көрсетілген деректемелер бойынша Өнім берушінің ағымдағы шотына ақшаның есептелуі Өнім берушінің жылу энергиясын беру және/немесе тарату жөнiндегi көрсетілетін қызметтерiне ақы төлеу бойынша Тұтынушының мiндеттемелерiн орындауы деп танылады.
8. Тараптардың жауапкершiлiгi
32. Осы Шарт бойынша мiндеттемелердiң орындалмағаны немесе тиiсiнше орындалмағаны үшiн, Тараптар Қазақстан Республикасының азаматтық заңнамасына сәйкес жауапты болады.
33. Шот бойынша ақы төлеу мерзiмi басталған сәтiне оны төлемегенi үшін (Шарттың 31-тармағында көзделген жағдайларды қоспағанда), Өнім беруші Тұтынушының төлемеген сомалары бойынша Қазақстан Республикасының Ұлттық Банкi белгілеген қайта қаржыландыру мөлшерлемесінің 1,5 еседен аспайтын мөлшерде Тұтынушының ақша мiндеттемелерiн нақты орындаған күнiне төлемнiң мерзiмi өткен әрбiр күнi үшiн, бiрақ негiзгi борыш сомасынан аспайтын тұрақсыздық айыбын есептеуге құқылы.
Тұрақсыздық айыбының мөлшерiн белгiлеу Шарт жасасу кезiнде жүргiзіледi. Егер тараптардың келiсiмiмен өзгеше ескертілмесе, есеп айырысу кезеңінен кейiнгi айдың бiрiнші күнi тұрақсыздық айыбын есептеу мерзiмiнiң басталуы болып табылады.
34. Егер Өнім берушінің Тұтынушыға қызметті ұсыну мүмкiндігінің болмауы Өнім берушімен шарттық қатынастарда тұратын басқа тұлғалардың кiнәсiнен болса, Тұтынушының алдында Өнім беруші жауапты болады.
35. Тұрақсыздық айыбын төлеу тараптарды Шарт бойынша міндеттемелердi орындаудан босатпайды.
9. Форс-мажорлық мән-жайлар
36. Тараптар Шарт бойынша міндеттемелердің орындалмағаны немесе тиісінше орындамалғаны үшін, егер бұл еңсерілмес күш мән-жайларының салдарынан болған мән-жайлар болса, жауапкершіліктен босатылады. Мұндай жағдайда тараптардың бір де біреуі залалдардың орнын толтыруға құқығы жоқ. Тараптардың кез келгенінің талабы бойынша мұндай жағдайда өзара міндеттемелердің атқарылуын анықтайтын комиссия құрылуы мүмкін. Бұл ретте, тараптардың бір де біреуі Шарт бойынша еңсерілмес күші мән-жайлары болғанға дейін туындаған міндеттемелерден босатылмайды.
37. Егер Тараптардың біреуі еңсерiлмес күштiң мән-жайлары болған күнінен бастап күнтiзбелiк алпыс күннің ішінде өзiнiң Шарт бойынша мiндеттемелерiн орындай алмайтындай жағдайда қалса, екiншi тарап Шартты бұзу туралы жазбаша хабарламаны жолдай отырып, Шартты бұзуға құқылы.
10. Шартты қолдану мерзiмi
38. Шарт қол қойылған күнінен бастап күшіне енедi.
39. Шартты қолдану мерзiмi электр энергиясын беру және/немесе тарату көлемiн нақтылай отырып, белгiлi бiр мерзiмге ұзартылады, егер Шартты қолдану мерзiмi аяқталғанға дейiн күнтізбелік отыз күн бұрын тараптардың біреуі бұл туралы мәлiмдece және Шартқа қосымша келiсiммен ресiмделедi.
12. Тараптардың заңды мекенжайлары, банк деректемелерi және қолдары
Өнім беруші: Тұтынушы:
Түркістан қаласы әкімдігінің _____________________________
инфрақұрылым және _____________________________
коммуникациялар бөлімінің _____________________________
«Жылу» МКК _____________________________
Б.Майлин №148/21 _____________________________
БСН 980240001502 _____________________________
ЖСК KZ39998STB0000904366 _____________________________
БСК TSESKZKA
«First Heartland Jusan Bank» АҚ
Е.Рысбеков
(қолы)
М.О.