Газетамизнинг ўтган сонида шаҳар ҳудуди йўналишида турғунларни табиий газ билан таъминлаш ишлари ҳақида ёзган эдик. Бу ишни амалга оширадиган шаҳар инфратузилма ва коммуникациялар бўлими эканлигини эътиборларингизга солиб, бугунда суръатли ишлар бажараётганлигини айтиб ўтайлик. Мазкур бўлим бажарилган ишлари ва келгуси режалари билан баҳам кўришган эди. Шунга тўхталайлик.
Режа доирасида Туркистон шаҳрини газ билан таъминлаш қурилишининг иккинчи босқичи бўйича бугунги кунга қурилиш монтаж ишлари олиб борилмоқда. Лойиҳа қиймати 2110749 млн. тенге. Шу кунлари режаланган иш, яъни 28,4 чақирим газ қувури солинди. Қурилиш ишлари 100 фоизга якунланиб, давлат қабулидан ўтмоқда. Шунингдек, Ясси кичик тумани, Иштиҳат турғун уй массивининг турғунларини табиий газ билан таъминлаш мақсадида Туркистон шаҳрини газ билан таъминлаш қурилишининг учинчи босқичи бўйича қурилиш монтаж ишлари амалга ошмоқда. Лойиҳа қиймати 1618273 млн тенге. Иншоотнинг маблағи тўлиқ ўзлаштирилган. Лойиҳа бўйича 115997 чақирим газ қувури тўлиқ монтажланиб, махсус ускуналар ўрнатилган қутичалари 100 фоизга ўрнатилди. Лойиҳа амалга ошганда 4161 абонент табиий газ билан таъминланади деб кутилмоқда.
Шавгар кичик тумани турғунларини табиий газ билан таъминлаш мақсадида Туркистон шаҳрини газ билан таъминлаш қурилишининг иккинчи босқич доирасида бугунги кунга қурилиш-монтажлаш ишлари ҳам суръатли олиб борилмоқда. Лойиҳа қиймати – 1691077 млн. тенге. Бугунги кунга 113231 чақирим газ қувури тўлиқ монтажланиб, қурилиш ишлари 100 фоизга бажарилди.
Ясси кичик туманига қарашли Туран (Ўралман) турғун уй массивининг турғунларини табиий газ билан таъминлаш мақсадида бугунги кунда қурилиш монтаж ишлари бормоқда. Лойиҳа қиймати 2895491 млн. тенге. Қурилиш монтаж ишлари шу кунлари 85 фоизга якунланган. Лойиҳа қиймати амалга ошганда 6195 абонент табиий газ билан таъминланади деб кутилмоқда. Ясси кичик туманига қарашли Бирлик турғун уй массивининг ва Қизилўрда тош йўли бўйидаги турғунларини табиий газ билан таъминлаш мақсадидаги иккинчи босқич доирасида бугунда қурилиш монтаж ишлари тўхтовсиз юрмоқда. Лойиҳа қиймати 1539448 млн. тенге. 113106 чақирим газ қувури солиниб, қурилиш ишлари 85 фоизга якунланди. Мазкур лойиҳа амалга ошганда 3036 абонент табиий газ билан таъминланади.
Ўтирор кичик туманидаги “Шипа сув” ҳудуди, Шавгар кичик тумани (Туб-больница ҳудуди), Қизилўрда тош йўли бўйидаги Ясси ва Саврон кичик туманларининг янгидан кўчиб борган турғунларини табиий газ билан таъминлаш учун қурилиш-монтаж ишлари бошланди. Иншоотнинг смета қиймати – 21517534 минг тенге. Бугунда лойиҳа бўйича 148036 чақирим газ қувурининг 105004 чақирими олиб борилди. Лойиҳа амалга ошганда 6543 абонент табиий газ билан таъминланади.
Ақберен АМАНГЕЛДИ.