Түркістан облысы Бас мемлекеттік санитариялық дәрігерінің №24 Қаулысы бойынша, 2020 жылғы 6 маусымдағы №23 Қаулысына өзгерістер енгізілгенін хабарлаймыз.
⠀
65 жастан асқан адамдарға аса қажеттіліксіз көшеге шығуына, 14 жасқа дейінгі балалардың ересектерсіз жүруіне және отбасы мүшелерін қоспағанда 3 адамнан артық жиналуға, сондай-ақ саябақтар, алаңдар, скверлер мен субұрқақтарда серуендеуге тыйым салынады.
⠀
Азық-түлік және азық-түлік емес базарлар, санитариялық-дезинфекциялық талаптарды орындауы міндеттеле, аптаның 6 күні 10.00-17.00 аралығында жұмысын жалғастыруға құқылы. Халыққа қызмет көрсету орталықтары да 10.00-17.00 аралығында санитариялық-дезинфекциялық режимді күшейте қызмет көрсетеді.
⠀
Қоғамдық көлік жұмысы таңғы 6.00-10.00-ге дейін және кешкі 17.00-21.00-ге дейін санитариялық-дезинфекциялық режимді күшейте отырып, шектеледі.
⠀
Қоғамдық орындарда, көшеде міндетті түрде медициналық бетперде тағып, арақашықты сақтауды сұранамыз! Денсаулығыңыз – өз қолыңызда!
Түркістан қаласы әкімдігінің баспасөз қызметі