Туркистонлик Муҳайё Бектурсин шаҳар турғунлари учун музлатилган чучвара маҳсулотини тавсия этмоқда. Ёш тадбиркор оилавий тадбиркорлигини 2 йил аввал бошлаган. Таъкидлашича, тадбиркор бўлиш фақат даромад топибгина қўймай, аҳолига фойданг тегса, шунинг ўзи улкан ютуқ.
“Кун давомида 5-6 килограмм чучвара маҳсулотини сотаман. 3 килограммдан кўпроқ буюртма берувчилар учун етказиб бериш бепул. Кунига 8 килограммгача чучвара тайёрлайман. Фарзандларимнинг насибасини топишда икки онам, яъни қайнонам билан онам ёрдамлашади. Умр йўлдошим дуч келган манзилга етказиб беради. Истеъмолчиларнинг таклифларини ҳисобга олган ҳолда, чучварадан ташқари манти тайёрлаб, сотишга ўтдим. Шу зайлда ишим секин-аста йўлга қўйилмоқда”,- дейди Муҳайё Заҳро қизи.
Тадбиркор “Атамекен” ҚР Миллий тадбиркорлар палатаси ташкилотчилигида “Бастау бизнес” лойиҳаси бўйича 2 ойлик курсда тажриба ошириб, қайтарилмайдиган 505 минг тенге маблағ грантига эга бўлади. Бу маблағга эса 3 дона музлатгич сотиб олган.
Буюртмани WhatsApp, Instagram мессенжерлари билан Olx орқали қабуллайди. Ижтимоий тармоқ билан ишлаш учун махсус мутахассисларнинг ёрдами орқали курсларга ҳам иштирок этган.
Бошлаган ишини ривожлантириш учун кичик корхона очиб, (голубцы) карам рулолари ишлашни режаламоқда. Албатта, бу эл иқтисодиётини ривожлантириш йўналишига оз бўлса ҳам ўз ҳиссасини қўшаётган Муҳайёнинг ижобий қадами дейишга бўлади.
Нуртас КЕНЕСБЕКОВ.