Коронавирус деган,
Балодур бизга келган.
Ундан ҳам ёмонини,
Бирлашиб, халқим енгган.
Юз қўлингни ювиб юр,
Тозаликка риоя қил.
Худога минг ёлвориб,
Кунига юз дуо қил.
Сабр таги зар олтин,
Худо сақласин халқим.
Ўтиб кетади бу кун,
Алмашган каби кун-тун.
Қайғурма ҳеч, ўйнаб кул,
Ҳаёт гўзал шуни бил.
Уйдан чиқма уйда қол,
Умрингга қилма завол.
Зерикмасин деб халқим,
Шеър кўшиқлар битамиз.
Карантин тугашини,
Зўр орзиқиб кутамиз.
Май ойида кун исиб,
Бу вируслар ўлади.
Сабр билан кутайлик,
Яхши кунлар келади.
Поччахон БОБОЖОНОВ.