Қозоқ эли мустақил тараққиёт йўлига тушгандан буён инсон ҳуқуқини ҳимоялаш соҳасида умумга муштарак инсон ҳуқуқи борасидаги декларация билан миллий фуқаролик сиёсий хуқуқ тўғрисидаги ҳужжатлар бўйича тасдиқланган халқаро стандартларга содиқ эканлигини далиллаб келади. Элимизда фуқароларнинг конституциявий ҳуқуқлари билан бурчлари қатъий риоя қилинади. Бизнинг элимиз этносаро ҳамда конфессияаро низоларга йўл қўймайдиганлиги натижасида барқарор ривожланиб келаётган давлат.
Қозоғистон халқи Ассамблеясининг қурилиши миллий сиёсатнинг, амалда институционал даражага кўтарилганлигини кўрсатади. Қозоғистон халқи Ассамблеяси ижтимоий институт сифатида этносаро муносабатларни ташкил этишнинг самарали дастакларни шакллантиришнинг сифат нуқтаи назарда янги асосини яратмоқда. Бу янгиликнинг моҳияти этносаро ва динаро тотувликни мустаҳкамлаш ишида давлат сиёсати билан жамоат бирлашмалари орасида ўзаро ҳамкорлик муносабатнинг қарор топишида.
Ассамблея ташкил этилган вақтдан буён фаолиятининг тарихи унинг ҳаётий жамият тузилмаси эканлигидан далолат беради. Бугунги кунда этносаро ва конфессияаро тотувликнинг қозоғистонлик тажрибасини жаҳон қавмдошлиги намуна тутиб, тадқиқ қилмоқда. Бу тажриба XXI асрдаги миллий сиёсат самарадорлигининг ўлчов бирлигига айланган. Ассамблея этносаро тотувликни амалга оширишнинг қулай институти сифатида тўлиқ шаклланиб ўзининг фаол хизмати орқали жамиятнинг соҳаларида ўз ўрнини топди.
Бу йил Қозоғистон халқи Ассамблеясининг 25 йиллик юбилейи республика кўламида нишонланади. Бу байрам – ҳар бир қозоғистонлик учун Ватанга бўлган муҳаббат ва ватанпарварлик ҳисси, инсонийлик бурчи билан умуммиллий ҳамкорлик тантанасидир.
Зауре АЛИМХАН қизи.