Қозоғистон Республикаси Ҳукумати жорий йилнинг 10 августини Абай куни деб белгилаш тўғрисида қарор қабуллади. Бу ўта тўғри қадам деб ҳисоблаймиз. Сабаби, Абай – қозоқ халқининг ёрқин сиймоси, эллиги ва эрлиги ифодаси, миллий рамзидир.
Абай дунёси – қозоқ дунёси Алашнинг йирик сиймосига айланган бу адибнинг маънавий қиёфаси айни кунда яхлит миллатимиз борлиғини ифодалаб турибди. Абайни янги аср чўққисида ўрганиш – маънавий янгиланишнинг асосий ҳамда муҳим таянчи бўлмоғи лозим.
Давлат раҳбари Қасим-Жўмарт Тўқаев Абай ва XXI асрдаги Қозоғистон номли мақоласида “Абайни теран ўрганишга алоҳида эътибор қаратиш керак. Абайни ўрганиш – инсоннинг ўзини – ўзи билишидир. Одамнинг ўзини-ўзи билиши ҳамда доимо тараққий этиши, фанга, билимга урғу бериш – камолот кўринишидир. Интеллектуал миллат деганимиз ҳам шу. Шу боис, Абай сўзи авлодлар йўналиш оладиган маёққа айланиши керак”,- деб буюк шоирнинг 175 йиллик юбилейини камолот ҳамда фаросат чўққисида нишонлашга алоҳида эътибор қаратган эди.
Йил бошида эълон қилинган бу довруқли мақола яхлит миллатимиз томонидан зўр қўллаб-қувватланди. Абайшунослик фанини янги аср ичида янги йўналишга бет буришига кенг йўл очиб бергани аниқ. Элимиз Президенти таъкидлаганидек, жорий йили Абай юбилейи фақат давлат кўламида эмас, жаҳон миқёсида нишонланади деб режаланмоқда. Сабаби, Абай меросини жаҳон миқёсида тарғиб қилиш – қозоқ дунёсини, миллий маънавий кенглигининг жаҳонга танитишнинг муҳим ва салмоқли қадами.
Ҳар халқнинг ҳаётида ўша халқнинг кечагисини бугунга боғлайдиган, бугунги кунини эртанга давом эттирадиган, ҳар авлодни ўйлантириб, бир-бирига маънавий уйғунлаштирадиган сиймолар бўлади. Биз учун бу буюк сиймо – Абай. Абай қозоқ халқининг барча мураккаб жиҳатларини, тақдирини келажаги билан бирга тасвирлаб берган буюк доҳий.
Давлат раҳбари Қасим-Жўмарт Тўқаевнинг “Абай ва XI асрдаги Қозоғистон” деб номланган мақоласида таъкидлаганидек, “Абай-инсонийликни, эзгуликни, тараққиётни орзу қилган. Биз Абай орзу қилган ҳар томонлама ривожланган жамиятни бунёд этишга интилишимиз керак. Унга Абайни асос қилиб оламиз” деган ўйга чўмдирадиган мулоҳазалари улуғворликдан далолат. Бугунги кундан бошланадиган ушбу тантана мангулик тугалланмасин деб тилаймиз. Сабаби, Абай мушоҳадасининг тантанаси – барча қозоқ халқининг тантанаси. Ўшанда Абай мероси билан авлод, миллат ўртасидаги буюк ворисдошликни давом эттириб мустаҳкамлигига эришамиз.
Абай тўйи энди бошланди. Ўйимизни Элбоши Нурсултан Назарбаевнинг сўзи билан якунлайдиган бўлсак: “Замона-лар ўзгариб, дунё манзараси алмашса ҳам халқимизнинг Абайга бўлган ихлоси айнимайди, аксинча вақт ўтиши билан унинг буюклигининг янги қирраларини кашф этиб, янги жиҳатларидан қадр топади. Абай ўзининг қадрдон халқи билан мангуликка бирга, асрлар бўйи қозоқ элини, қозоқ халқини юксакликка тоғлар чўққисига даъват этаверади”. Қозоқ элида 10 август Абай куни бўлиб тасдиқлангани шунинг далилидир.