*Жынның ізгісін тапсаң да, діннің ізгісін таппассың.
*Кеспірсіз адам ішінде де керемет сұлу махаббат болады.
*Ақша – Сайтан куәлігі.
*Жүрек нұры – Ақыл кемпірқосағы.
*Серттің жүзі семсерді де турап тастайды.
*Данаға таң қалмайық, өз ақымақтығымызға таң қалайық.
*Кей сұрақтың жауабы – кей сұрақта.
*Самұрық пен Айдаһар – бір жұмыртқадан.
*Желді ұштай білсеңіз, жебеңіз қалар жайына.
*Оқығандар ішінде де надандар бар.
Оқымағандар ішінде де адамдар бар.
*Халқың үшін жасаған қарекетіңнің қарқыны қардың да шаңын шығаратындай болсын!
*Ата Тілін білгісі келмейтін қандасың ата жауыңнан да қауіпті.
*Ақымақтың айтқаны – ауыздан шыққан жел ғана.
*Құдай да өз Ойынан оза алмас.
*Тәннің таудай рахаты Жанның тозаңдай да қажетін өтей алмайды.
*Тоңғаққа – тон да суық.
*Сүйек дәмін ит білер.
*Ұзатылмағанын сезген қыз ұзамай қайтып оралар.
*Қырауын қырғанға Қыс кетпес.
*Тәнің ауырса, дәріңмен емдерсің.
Жаның ауырса, Арыңмен емдерсің.
*Тілмен сөйленген сөз құлаққа жетер.
Ділмен сөйленген сөз жүрекке жетер.
*Мал бауыздағанына жылайтындар бар.
Кісі бауыздағанына күлетіндер бар.
*Дананың Сөзін айтсаң, дамбалының бөзін айтады.
*Құл жанынан – күл таза.
*Отанын ойламайтын оғланнан – есек артық.
Оғланын ойламайтын Отаннан – ошақ артық.
*Болайын деп тұрған баланың борбайында да құт болар.
*Көмей жұпар сйлер деп көтен жұпар сөйлемес.
*Ойлы сөз жазсаң, оныңды ешкім керек қылмайды.
Ойнас сөз жазсаң, бәрі соған тұра жүгіріседі.
*Таң-ғажайып жасампаз нұры шексіздікке жайыла, тоғыз қат Аспан түрінде кемпірқосақтанған Күндердің Күні – Жұпар Ійе мекені.
*Елікпелерде Ес болмайды.
Елпеңдерде сес болмайды.
*Әр ақиқаттың шындығы – көп, өтірігі – шексіз.
*Обал оғының дəрісі қашанда құрғақ
*О Дүниенің Тозағы да тазалықты талап етеді.
*Оймағы бардың инесі жоқ.
Инесі бардың түймесі жоқ.
*Басың қышыса, қасырсың.
Есің қышыса, сасырсың.
*Ескегі бар Ес қана ажал мұхитынан өтеді.
*Санасыз еркек қойған сақалды сайтан мекендейді.
*Адамның зұлым жыны әлемді де жойып жібере алады.
*Үміт жұлдыздары үрей түнегінде ғана ерекше жайнай түседі.
*Көктемің сары болса, Қысың қара болады.
*Дүниеде жалықтырмайтын басты екі құбылыс бар:
ғашық болу және жақсылық жасау.