Облыстық жастар ресурстары орталығы ғимаратында Елорда күні қарсаңында, ел Тәуелсіздігінің 30 жылдығына орай шахматтан турнир өтті. 2-4 шілде аралығында ұйымдастырылған турнирде әр ауданнан келген мүмкіндігі шектеулі азаматтар мен ардагерлер бақ сынады.
Аса қырағылық пен алғырлықты қажет ететін спорт түрінен өткен сайыста ардагерлер арасында I орынды Мақтаарал ауданына келген Толқын Рабиев, II орынды жерлесіміз Қуанышбек Жұмадуллаев, III орынды Төле би ауданының тұғыны Әбілқасым Ерімбетов иеленсе, мүмкіндігі шектеулі азаматтар арасында I орынды Ордабасы ауданынан келген Марат Жаманқараев, II орынды Кентау қаласының тұрғыны Қайрат Кадеков, Мақтаарал ауданына келген Әріпхан Жантеков III орынды қанжығасына байлады.
Межелі орыннан көрінген азаматтар арнайы дипломдар мен сый-сияпатқа ие болды.
Мөлдір Халилаева