Шаҳар ҳудудини кўкаламзорлаш-тириш, экин майдонларини суғоришга таъсири катта Туркистон магистрал канали бугунда мураккаб таъмирлашдан ўтказилмоқда. Режа бўйича 59 чақирими бетонланди. Натижада 60 млн/м сув тежалади. Вилоят марказидаги бир қатор иншоотларни оралаган минтақа раҳбари Ўмирзақ Шўкеев мазкур иншоотнинг иш суръатини кўздан кечирди.
“Туркистон магистрал канали орқали шаҳар ичкарисидаги дам олиш ўринлари ҳам суғорилади. Унга қўшимча шаҳар ҳудудидаги 8 чақирими ободонлаштирилиб, дам олиш ҳудуди, велойўллар солиш кўзда тутилган. Ҳозир каналнинг 14 чақирими бетонланган. Натижада жорий йилнинг ўзида 11 млн/м сув тежалган”,-деди вилоят ҳокими Ўмирзақ Естайули.
Минтақадаги яна бир муҳим лойиҳалардан бири – сиғими 18 млн.м ташкил этадиган “Кенсай-Қўшқўрғон-2” сув омборининг қурилиши. Бугунда катта тўсиқ қурилиши 12 метр баландликка кўтарилиб, кичик тўсиқ ва дренаж призмаси тўлиқ солинган. Натижада бунда йилига 34 млн м сув тўпланади. “Арис-Туркистон” магистрал каналини тўлиқтириш учун Сирдарё ўзанидан машина каналини солиш лойиҳаси қараштирилган. Бу Туркистон магистрал каналига йилига қўшимча 80 млн.м3 сув етказиш имкониятини беради. Бугунги кунда техникавий-иқтисодий лойиҳаси тайёрланиб, давлат таҳлилига ўтказилди.
Су каналларини аслига келтириш ишлари Туркистон шаҳрининг экологик шароитини яхшилаб, кичик-ўрта бизнесни ва туризмни ривожлантиришга йўл очадигани сўзсиз. Шунингдек, 15 минг гектар яйлов ерга сув етказиш билан бирга, балиқ хўжалигини ривожлантириш қўлга олинади. Сўнгги икки йилда вилоят бюджети ҳисобидан 243 чақиримни ташкил этадиган 61 каналга таъмирлаш ишлари олиб борилиб, 42 дона тик дренажли қудуқлар аслига келтирилди. Натижада 44,3 минг гектар ернинг сув билан таъминланиши яхшиланган. Шунингдек, сувни тежаш технологияларини жорий этиб, Туркистон шаҳрининг атрофида озиқ-овқат белбоғини шакллантириш лойиҳаси амалга оширилмоқда.