Элимиз йил сайин катта умид билан кутадиган Президентимиз Қасим-Жўмарт Кемелули Тўқаевнинг жорий йилги «Янги вазиятдаги Қозоғистон: иш ҳаракатлар даври» номли Қозоғистон халқига Мактубида жаҳонни хавотирга солаётган пандемия билан кураш йўлларини, унинг элимизга олиб келган оқибатлари билан ўзгаришларини жумладан, элимизнинг ижтимоий ривожланишига, турғунларнинг даромади билан иш жойларининг барқарорлигини, халқимизнинг саломатлиги билан ҳаётини сақлаш йўлидаги ишларга асосий эътибор қаратиш кераклигини таъкидлади. Шунингдек, жаҳон пандемияни тўлиқ енгиш учун камида 2 йил муддат керак эканлигини, ҳозирги пандемия олиб келган иқтисодий-ижтимоий инқирозни аслига келтиришга 5 йил вақт кетадиганлиги ҳам тилга олинди.
Президент Мактуби элимизнинг келажак тараққиётига ойдинлик киритди. Барча йўналишларнинг ривожланиши эл тақдири учун муҳим. Ҳар бир фуқаронинг масаласини ҳал этишга қаратилган янги Мактуб эл тараққиёти билан халқимизнинг ҳаётида ижобий ўзгаришлар бўладиганлигини кўрсатгандек. Давлат раҳбари ўз Мактубида оддий фуқароларнинг, нафақадорларнинг давлат ходимлари билан маориф соҳасидаги фаолият юритаётган олимларнинг ҳамда депутатлар билан вазирларнинг, ҳуқуқни ҳимоя қилиш органлари билан соғлиқни сақлаш соҳаси ходимларининг ҳар бирининг вазифасини, фаолиятидаги ўзгаришлар билан янгиликларни бирма-бир таъкидлади.
Президент ўз Мактубининг хулосаси сифатида буюк мутафаккир Ахмет Байтурсинули «Билимли бўлиш учун ўқиш керак. Бой бўлиш учун касб эгаси бўлиш керак. Кучли бўлиш учун бирлик керак. Мана шу кераклар йўлида меҳнат қилиш керак», деган ҳикматли сўзи билан тасдиқлади. Ҳозиргидай янгиланган замонавий паллада элимизнинг ҳар бир фуқароси олий маълумоти ва самарали меҳнати натижасидагина юқори чўққилардан кўринадиганлигини маълум қилди. Эл фуқароларини ватанимизнинг олдида ҳалол хизмат қилишга, манфаатли фаолият юритишга, чуқур билим олиб, эринмай хизмат қилишга ундади.
Мактуб Қозоғистоннинг асосий соҳаларини ислоҳ этишнинг асосий йўналишлари бўйича аниқ топширмаларни таъмин этади. Келажакда кўламдор ҳамда мураккаб вазифалар кутмоқда. Шуларни рисоладагидек амалга ошириш учун янгича услуб, янгича мулоҳаза юритиш, бирдамлик ҳамда ўзаро қўллаб-қувватлаш кераклигини тилга олди. Барчамиз ўзимизни ривожлантиришга куч тўплашимиз керак. Замон синови бизнинг илғор ҳаракатларни, куч-ғайратимизни ҳамда самарали меҳнатни талаб этмоқда. Шу тарзда, Давлат раҳбарининг ташаббусларини қўллаб-қувватлаб, бу Мактуб барча халқ учун эзгу ташаббус бўладиганлигига ишончимиз комил.
Ғани АМАНҚУЛОВ, шаҳар маданият ва тилларни ривожлантириш бўлими раҳбари