Июль ойининг 26 санасида Беларусь пойтахти Минск шаҳрида Suleimen Promotions-нинг ташкилотчилигида ўтган бокс кечасида беш нафар боксчимиз рингга кўтарилди. Хушхабаримиз бор.
Кучлилар йиғилган ушбу мусобақада яқиндагина профессионал боксга ўтган ҳамшаҳримиз Бек Нурмағанбет профессионал боксдаги дастлабки жангини ғалаба билан бошлади. У 23 яшар венгриялик Тамас Ласкини дастлабки раундда мағлубиятга учратди. Олти раундга мўлжалланган учрашувда иккинчи нокаутдан кейин Ласки ўрнидан туролмади. Шу тариқа Бекзатнинг издоши Бек Нурмағанбет профессионал боксдаги дастлабки қадамини омадли бошлади. Таъкидлаш жоиз, Бек ҳаваскор боксда 2019 йилнинг апрель ойида 81 кг вазн тоифаси бўйича Осиё чемпиони атанган эди. У жаҳон чемпионатига бориши керак эди, жароҳатига боғлиқ унинг ўрнига элимиз шарафини Бекзат Нурдаулетов ҳимоя қилди ва олтин медалга эга бўлди.
Бокс кечасида яна бир ҳамшаҳримиз WBO Global, WBC Осиё ва WBA International камари соҳиби Айдос Ербўсинули германиялик Нуху Лавалмен учрашди. 10 раунд давомида очиқ турда ўтган учрашувнинг натижаси бўйича ҳакамлар қарори билан Айдос Ербўсинули ғалаба қозонди. Жами Минскда ўтган мусобақа ҳамшаҳарларимизга омадли келди. Хусусан, Евгений Павлов венгриялик Патрик Хорват билан, Нурсултан Аманжўлов босниялик Дражан Джананин билан жанг қилиб рақиблари устудан ғалаба қозонди. Фақат ўрта вазн тоифадаги Нурсултан Жангабаев кутилмаганда француз боксчиси Сэнди Мессаудга имкониятни бой бериб, ўзининг ўрта вазн бўйича эгаллаган иккинчи тоифадаги Inter-Continental WBO Oriental ва IBF Australasian камарларини ҳимоя қила олмади.
Райимжон АЛИБОЕВ.