Шаҳар ҳудудида турғунларни табиий газ билан таъминлаш суръатли олиб борилаётганлигини ёзиб, мониторинг олиб бориб аҳолини хабардор этиб келаётганимизни муштарийларимиз яхши билишади. Газетамизнинг ўтган сонида (№28) газ қувури уйининг олдидан ўтган аҳолига ҳужжат тайёрлаш боришини текшириб, “ҚазТрансГазАймақ” ҲЖ-нинг www.kaztransgas.kz махсус сайтига хат ёзиб юборган эдик.
Шаҳар аҳолиси кўмир ўтин ёқишдан чарчаган вақтда газ билан таъминланадиганлигини эшитиб ёш болалардай қувонган эди бир пайтлари. Аммо, қурилиш ишлари ва уй ичини зангори олов билан иситишни орзиқиб кутган халқнинг вақт ўта тоқати тоқ бўлиб шикоятлари кўпайган эди. Шаҳар раҳбари Рашид Аюповнинг ўзи шу мақсаддаги ишларни жонлантиришни юклаб, тегишли соҳа вакилларига қатъий вазифа юклаган ҳамда бу ишнинг натижаси ҳокимликнинг ҳам, халқнинг ҳам асосий диққат эътиборида эди.
Шу кунлари суръат ёмон эмас. Шаҳар ҳудудининг баъзи бир туманларида газ тортиш ишлари суръат билан олиб борилаётса, баъзи бир ҳудудларнинг турғунлари қувончига биноан зангори оловни хонадонига киргизиб ҳам қўйди. Сўзимизга далил сифатида I-чи кичик тумани бўла олади. Бугунда ушбу ҳудуддаги кўп аҳолининг хонадонига зангори олов ускунаси ўрнатилди. Қувончи қўйнига сиғмай юрган турғунлар билан суҳбатлашган эдик.
Гулжазира БАРБАНОВА, I-чи кичик тумани, 7 уйда яшовчи: – Мен бу кунни узоқ кутдим. Нақд айтсам 3 йил. Бугундан бошлаб уйимизга табиий газ кирди. Албатта қувончдаман. Қиш ойларида ўтин ёқишдан чарчаган халқ учун улкан кўмак эканлигини тушунаман. Маҳаллий аҳолини газ тортаётган мутахассисларнинг ишига тўғри ёндошиб, чидамлик танитишга чақираман. Мен биладиган баъзи бир аҳоли маблағ масаласига боғлиқ газ киргиза олмаяпти. Буни ҳозирги шароитнинг қийинчилигидан деб ўйлайман. Барчасига вақт керак. Яқин кунлардан кейин Туркистон табиий газ билан тўлиқ таъминланади деб ишонаман,- деди шаҳарда яшовчи.
Ҳа, келажакда халқ учун ўтин ташишдан чарчайдиган куннинг узоқ бўлишига биз ҳам ишонайлик. Асосийси аҳолининг ахборотни тўғри қабуллаб, сабр ва тоқат танитишда.
Таъкидлаш жоиз, жорий йили турғун уйларни зангори олов турига ўтказиш бўйича 30 мингдан зиёд абонентнинг уланиши режаланган бўлса, шу кунлари ярмидан камида газ қувурлари тортилган. Умуман, қурилиш ишлари якунланган ҳудудларни қамраган абонент сони – 22002 бўлса, шу йили фойдаланишга бериладиган ҳудуддаги абонент сони – 8033. Бугунда Туркистоннинг газ билан таъминланиш кўрсаткичи 65 фоизни ташкил этади.
Ақберен АМАНГЕЛДИ.